precedente successiva

Registrum litterarum
magistri Ioakini Turriani Veneti, 1487-1500

■ AGOP IV.9 (1487-1490): Provincia Romana ff. 72r-87v ■

ë  

|73r|

1487

Frater Dominicus de Narnia potest stare extra ordinem etc., et omnia que honestati etc., elemosinas et emolumenta etc., etiam pro sustentatione sue sororis; et tenere cellam sibi in suo conventu concessam ad usum et ter in anno absolvi plenarie. Et nullus etc., non obstantibus etc. Et gaudere gratiis ordinis etc. Venetiis, 28 iulii.

Frater Dominicus Anto(nius) de Florentia et frater Alexius assignantur in conventu Sancti Eustorgii de Milano. Datum Venetiis, 23 septembris.

Frater Franciscus Bartholomei de Pistorio assignatur Pistorii etc. Venetiis, 17 octobris.

Priori seu presidenti conventus Sancte Marie <Novelle> de Florentia mandatur sub pena suspensionis ab officio ut omnes fratres debitores Hieronimi de Albis compellat pro penas ecclesiasticas et censuras, usque ad confiscationem bonorum inclu(siv)e, ut infra tres dies satisfaciant predicto, vel cum germano, iuxta computum librorum eius, vel pacifice componant. Non obstantibus etc. Venetiis, 22 octobris.

Frater Christoforus de Senis iunior assignatur in Camporegio. Non obstantibus etc. Florentie, 9 novembris.

Magistro Ioanni de Sancto Geminiano mandatur, in virtute Spiritus sancti etc., ut quam primum poterit vadat Perusium ad predicandum in conventu pro quadragesima, sicut promisit priori. Non obstantibus etc. Florentie, x novembris.

Magistro Ioanni ser Uberti, conventus Sancte Marie Novelle de Florentia, confirmatur camera in dormitorio inferiori contra scalas, et si quando sit albsens potest illam dimictere alicui fratri sibi grato. Non obstantibus etc. Ut supra.

Sorori Iacobe Pratensi, monasterii Sancti Nicolai de Prato, confirmatur concessio bonorum facta per magistro Martialem et Salvuum. Et nullus etc., non obstantibus etc. Que bona fuerunt olim sororis Ioanne et Petre, etc. Florentie, ut supra.

Frater Iacobus Luce de Florentia potest stare extra ordinem etc., et omnia que honestati etc., non obstantibus etc., et ter in anno plenarie absolvi etc., elemosinas etc. Florentie, xj novembris.

Magister Stephanus Benincasa de Florentia instituitur vicarius super monasterium Sancti Petri Martiris de Florentia, et potest omnia que magister ordinis, et omnis alius absolvere, et advocatur dictum monasterium sub immediata cura magistri ordinis; et mandatur eidem ut acceptet et monialibus ut obediant etc. Non obstantibus etc. Florentie, ut supra.

Frater Albertus Stephani de Florentia assignatur in conventu Sancte Marie Novelle, et nullus inferior quacunque causa potest eum inde removere vel alibi assignari sine licentia magistri ordinis; et potest confessiones secularium audire, et etiam fratrum et monialium et Tertii ordinis, et a n?? reservatur absolvere et ipse ter in anno absolvi. Et nullus etc., non obstantibus etc. Florentie, xij novembris 1487.

Priorissa et moniales Sancte Lucie de Pistorio possunt tres moniales supra xxxm numerum recipere, non obstantibus ordinationibus vicarii generalis romani; quibus cavetur nequam supra dictum numerum recipiant, alias dictis ordinationibus  in suo robore permanserint; et possunt vendere bona stabilia huc illucque dispersa, dummodo earum pretium convertatur in alias possessiones eis magis commodas et utilies, et insuper possunt - si quando eis concedatur locus vel ospitale Sancte Marie de Pistorio prope Sanctun Laurentium - mictere aliquas illuc secundum dispositionem fratris Francisci de Pistorio, earum vicarii, ad manendum ad tempus et deinde revocare ad monasterium quousque locus predictus pro monasterio disponatur. Florentie, ut supra.

Frater Franciscus de Pistorio fit vicarius super monasterium Sancte Lucie de Pistorio, cum plena potestate omnia faciendi etiam si mandatum exigerent speciale etc. Et nullus etc., non obstantibus etc. Ita tamen quod vicarius generalis, quotiens illuc vadit, possit libere uti sua auctoritate, preterquam in absolutione dicti fratris Francisci etc. Ut supra.

Prior et patres conventus Montis Politiani possunt vendere eam particulam orti hospitii que est versus viam inferiorem ex parte orientali, dummodo pretium in bona stabilia permutetur, et nullum inde preiudicium incurratur. Non obstantibus etc. Florentie, xij novembris etc.

|73v|

1487

Soror Francisca de Cigolis, electa priorissa monasterii Sancti Silvestri de Pisis et per provincialem confirmata, iterum per magistrum ordinis confirmatur; et mandatur omnibus sub pena carceris et privationis habitus, quarum quelibet contrafaciens incurrat, ut illi obediant et eam revereantur(?), nec aliqua quicquam adversus eam vel aliam quancumque sororem unde nota vel infamia monasterio vel sorori possit oriri, revelet quoquo modo secularibus, aliter(?) extra ordinem, alias dictas penas incurrisse etc., a quibus nisi per magistrum etc.; et conceditur priori pisano ut de preteritis possit illas absolvere ab omnibus penis et censuris; et mandatur omnibus ut or(dination)es provincialis observent, que per magistrum confirmantur. Non obstantibus etc.  Florentie, xij novembris 1487.

Frater Andreas de Anselmis de Florentia, conventus Sancti Marci, fit vicarius in monasterio de Ripolis de Florentia, cum auctoritate talibus ibidem consueta; et potest tenere secum unum fratrem ordinis honeste vite etc.  Et nullus etc., non obstantibus etc. Florentie, ut supra.

Fratri Ioanni Batholomei de Senis mandatur sub excomunicatione late etc., ut si ita est, restituat bona que habet fratris Thome de Suessa eidem infra mensem a notitia, vel componat; aliter nunc pro tunc etc., et mandatur priori S(ancti) S(piritus) de Senis ut, si neglexerit, illum per alias penas usque ad confiscationem bonorum inclusive ad satisfaciendum cogat. Non obstantibus etc. Ut supra.

Fratri Ioanni Meliorini de Prato conceditur camera in conventu pratensi que est contra scalam dormitorii que olim fuit fratris Mariocti de Prato. Non obstantibus etc. Florentie, ut supra.

Frater Marcus de Suchiellis, conventus Sancti Marci de Florentia, potest stare extra ordinem et omnia facere que honestati etc., elemosinas etc., et ter in anno plenarie absolvi etc. Non obstantibus etc. Florentie, ut supra.

Magister Paulus Petri de Florentia, translatus per capitulum generale Venetiis p(rim)o celebratum ad conventum Sancte Marie Novelle et per priorem a maiore parte patrum acceptatus, ut patet ex subscriptione eorum, confirmatur in filium nativum eiusdem conventus; et assignatur ibidem postquam fuerit absolutus a prioratu pratensi, et nullus potest eum inde sine sui consensu removere vel alibi assignare. Non obstantibus etc. Prati, xiij novembris.

Frater Batholomeus Petri, conventus Sancti Marci, potest exigere per se vel procuratores triginta ducatos quos sibi de bonis paternis reservavit antequam profiteretur, et potest ??? omnia que conventus predictus et que magister ordinis. Et nullus etc., non obstantibus etc. Et illos in suos usque exponere etc. Florentie, xv novembris.

Priori seu presidenti et patribus conventus cortoniensis mandatur sub pena transgressoribus preceptorum debita ut infra x dies mictant ad expensas conventus omnes libros et bona fratris Andree de Anselmis eidem Florentiam(?). Non obstantibus etc. Florentie, ut supra.

Fratri Nicolao Ioannis de Florentia, conventus Sancte Marie Novelle, confirmatur hospitium Montis Lupi cum conditionibus quibus sibi concessum est a magistris et patribus dicti conventus et a provinciali confirmatis, ut patet per literas tam conventus quam provincialis. Et nullus etc., quousque dictas condiciones servabit, non ostantibus etc. Florentie, xvj novembris.

Fratri Ioanni seniori de Sancto Miniate conceditur camera seu cella in conventu Sancti Miniatis que olim fuit fratris Petri Francisci, cum omnibus suis pertinentiis. Et nullus etc., non obstantibus etc. Ut supra.

Patribus seu presidentibus conventus Sancti Dominici de Fesulis et Sancti Marci de Florentia mandatur ut in festivitatibus Sancti Iacobi Maioris et in crastino festi eiusdem, et quotiens sepultura alicuius monialis vel velatio celebratur in monasterio de Ripolis, debeant illuc ad earum requisitionem mictere honestum mumerum fratrum qui faciant officia iuxta morem dicti monasterii. Non obstantibus etc. Florentie, xvj novembris.

Frater Angelus Nichaelis de Florentia, conventus Sancte Marie Novelle, assignatur in conventu Sancti Miniatis etc. Ut supra.

Magister Guillelmus Simonis de Florentia potest quater in anno plenarie absolvi etc., et audire confessiones tam religiosarum quam secularium personarum quotiens et quando fuerit requisitus, et comedere in camera cum societate sibi grata. Et nullus etc., non obstantibus. Ut supra.

Magistro Sebastiano de Bontempis de Florentia conceditur locus supra magistrum Thomam Mathei de Sardis eo quod inter eos ita convenerunt. Et nullus etc., non obstantibus. Florentie, ut supra.


 IV.11, f. 67r (8.II.1496) «mag. Sebastianum Bontempi» e diritti di precedenza tra i maestri in Santa Maria Novella.


|74r|

1487

Universis fratribus nostri ordinis mandatur sub excomunicatione late sententie etc., quatenus quicunque habet aliquid bonorum fratris Mathei Iacobi de Florentia sibi furtim ablatorum, debeat infra triduum sibi restituisse vel satisfecisse, aut pacifice composuisse; et qui scit aliquid vel scientem novit, debeat infra eundem terminum revelasse, alias dictam sententiam etc., a qua nisi fracta satisfactione etc. Non obstantibus etc. Florentie, 17 novembris.

Fratri Iacobo Bartholomei, conventus Sancte Marie Novelle, confirmatur licentia standi extra ordinem iuxta licentiam sibi a magistro Bartholomeo de Bononia concessam. Non obstantibus etc. Ut supra.

Fratri Laurentio Bernardi confirmatur conventio facta inter se et conventum ac Societatem Sancti Petri Martiris de duobus campis sextarium viginti, positis in populo Sancti Petri ad Lignariam, pro 80ta florenis de sigillo ab se conventui et Societati predictam datis, et x  pro missis etc. Conceditur quoque eidem cella in dormitorio superiori que olim dicebatur cella prioratus. Non obstantibus etc. Ut supra.

Soror Oretta de Ripolis de Florentia potest eligere sibi mulierem ex ordine honeste fame et conversationis ad servendum sibi in necessitatibus, et scribere magistro ordinis et magistro Gabrieli sine ostensione literarum vel molestia alicuius etc.; et potest ad rotam seu grata crates sola et sine custodia loqui cum personis gravibus et honestis. Non obstantibus etc. Florentie, 19 novembris.

Magister Simon de Bertis, prior conventus Sancte Marie Novelle, fit vicarius conventus serezanensis, et potest omnia que magister ordinis, etiam si mandatur etc. Non obstantibus etc. Florentie, ut supra.

Frater Thomas Boni potest tenere quendam nepotulum in conventu, et cella ad expensas epsius pueri. Et nullus etc., non obstantibus etc. Florentie, ut supra.

Frater Blasius Laurentii conventus florentini potest stare extra ordinem etc., et ter in anno absolvi plenarie etc. Non obstantibus etc. Florentie, xix novembris.

Frater Zenobius de Florentia assignatur in conventu Sancti Spiritus de Senis. Non obstantibus etc. Ut supra.

Priorisse monasterii Sancti Dominici de Pisis mandatur ut omnem pensionem cuiusdam apotece date in dotem sorori Brigide debeat singulis annis dari predicte sorori, nunc existenti in monasterio Sancti Pauli ad Ortum quousque vixeriit; et post mortem, dicta apoteca remaneat libera monasterii Sancti Dominici. Florentie, ut supra.

In conventu pisano declaratur quod omnes fratres qui per mensem recesserunt a dicto conventu sunt remoti ab assignatione illius, et potest prior recipere fratres cum licentia declinantes ad eum, et discolos expellere. Non obstantibus etc. Ut supra.

Frater Victor de Prato conventus lucensis potest stare extra ordinem etc. Ut supra.

Magister Sebastianus Rubini de Florentia assignatur lector in conventu pratensi, et deputatur sibi cella in dormitorio inferiori prope infirmariam, que olim fuit fratris Petri Leonis; et confirmatur eidem cella sibi in conventu florentino concessa, ut in ieus absentia possit illam relinquere alicui fratri sibi grato etc. Et nullus etc., non obstantibus etc. Florentie, xix novembris.

Magister Simon de Bertis, prior conventus Sancte Marie Novelle, potest providere monasterio Sancti Dominici de Florentia de cappellano quotiens opus fuerit. Non obstantibus etc. Florentie, ut supra.

Soror Ghita de Guasconibus, monasterii Sancti Dominici de Florentia, potest ter in anno plenarie absolvi etc., et literas scribere et recipere absque ostensione etc. Et nullus etc., non obstantibus etc. Ut supra.

Soror Maria de Floraria, eiusdem monasterii, potest de bonis sibi concessis in vita dispensare suis discipulis; et quecunque post mortem eius reperiantur, decernuntur pertinere ad monasterium, et nulla aliquid actionis(?) habet in illis, nec etiam soror Marietta Antonii de Castro Florentino, non obstantibus literis ab ea ??? impetratis(?), aliisque contrariis quibuscunque. Et nullus etc., non obstantibus etc. Florentie, ut supra.

Sorori Costantie Ioannis domini Salustii de Buonghulielmis, monasterii Sancti Dominici in Cafagio, conceditur sibi cella sororis Orette, que a predecessoribus sibi concessa fuerat, videlicet Salvo, Bartolomeo et Barnaba. Non obstantibus etc. In Sancto Cassiano, 19 novembris.


 videlicet Salvo, Bartolomeo et Barnaba: intendi i precedenti maestri dell'ordine, Salvus Cassetta de Panormo (1481-83), Bartolomeus Comazio (1484-85), Barnaba Saxonis de Neapoli (1486).


|74v|

precedente successiva