precedente successiva

Cronica conventus Sancti Dominici
de Fesulis OP

 ■  pars III: fratres recepti ad habitum et professionem, ff. 97r-123v (1405-1650)  ■

 

 

 

|f. 107r|

1532

158. Frater Zenobius Stefani de Villa Basilica comitatus lucensis, in seculo appellatus Hyeronimus, annum agens quintum decimum cum dimidio et amplius, habitum clericalem accepit in presenti conventu sub die 17 novembris 1532 cum omnium consensu, existente priore ditti[sic] conventus fratre Gherardo de Sancta Maria Impruneta. Anno vero postea elapso, eadem die professionem fecit, receptus a fratribus cum nimio favore, in manibus eiusdem prioris, videlicet die 17 novembris 1533.

159. Frater Iohannes Baptista Iohannis  *  *  *  de Florentia, exercens artem del battiloro[1], in seculo Sylvester appellatus, agens annum vigesimum octavum completum, habitum conversus[sic] accepit in presenti conventu sub die 17 novembris 1532, simul cum predicto fratre Zanobio de quo supra. Postea vero elapso anno, a fratribus receptus, professionem fecit sub manu prefati prioris una cum dicto fratre Zanobio.

160. Frater Vincentius olim domini Hyeronimi de Franciottis civis lucanus, eodem nomine in seculo appellatus, etatis annorum quindecim completorum, in presenti conventu habitum clericalem adsumpsit sub die 30 novembris 1532 cum omnium fratrum consensu, existente priore prefato fratre Gherardo de Sancta Maria Impruneta. Postea vero anno elapso, sub manu prefati prioris professionem fecit, multo favore a fratribus receptus, sub die 30 novembris 1533.

161. Frater Andreas Phylippi de Castronovo de Carfagnana, in seculo appellatus Cristophorus, etatis annorum quatuordecim cum dimidio completorum, in hoc conventu habitum clericalem accepit sub die 30 novembris 1532, simul cum dicto fratre Vincentio. Postea vero anno elapso, professionem fecit sub manu ditti prioris fratris Gherardi, simul cum dicto fratre Vincentio.

162. Frater Silvester Antonii de Masinis de Pavanico de Mugiello, in seculo appellatus Thommas, officium clericatus exercens, agens annum vigesimum nondum completum, habitum conversus accepit in presenti conventu sub die 2a iulii 1532 a fratre Alexandrino Bencivennio tunc suppriore dicti conventus, absente priore fratre Serafino. Postea vero anno elapso et amplius, professionem fecit sub manu fratris Gherardi tunc prioris, receptus a fratribus, ut moris est.

163. Frater Benedictus Dominici, in seculo dictus Petrus  *  *  *  de Villa Basilica, annum agens quintum decimum, habitum clericalem accepit in presenti conventu sub die XI maii 1533, existente priore fratre Gherardo prefato. Deinde anno transacto et sub eadem die et mense, receptus a fratribus omnibus, sub manibus predicti prioris professionem fecit.

|f. 107v|

1534

164. Frater Angielus[sic] Zacharie de Villa Basilica, in seculo dictus Adeodatus, annum agens quartu<m>decimum completum, sub die XI maii 1533 habitum clericorum accepit, una cum supradicto fratre Benedicto, a predicto priore fratre Gherardo dicti conventus. Anno vero postea elapso, videlicet anno 1534 et sub eadem die et mense, a fratribus receptus, professionem fecit sub manu prefati prioris et simul cum dicto fratre Benedicto.

165. Frater Petrus Nicholai Morelli textoris drapporum, de Luca, in seculo nomine Vincentius, agens annum decimum octavum, sub die 28 aprilis 1532 habitum conversorum accepit per manus fratris Gherardi de Sancta Maria Inpruneta tunc prioris dicti conventus. Anno vero elapso, videlicet 1533, postea professionem fecit sub manu provincialis fratris Tommẹ de Sancto Miniate, vacante tunc priore dicti conventus, prius tamen a fratribus receptus - ut moris est.

166. Frater Thommas Marci Marcielli de Lenis civis romanus, in seculo dictus Paulus, annorum circiter decem et septem completorum, habitum clericorum accepit sub die XXVI iunii MDXXXIIII in conventu Sancti Dominici de Urbe Veteri a venerabili patre priore eiusdem conventus fratre Raphaele de Risalitis. Non multo vero post temporis missus fuit ad presentem conventum fesulanum, in quo et per quem - revoluto anno a die sue prime receptionis - professus est; et hoc pacto se filium dicti conventus fesulani fecit et esse voluit, consentiente tamen procuratore in curia et vicario generali fratre Seraphyno de Bellandinis, nec non fratre Thomma Miniatensi priore provinciali Romanẹ provinciẹ; interveniente quoque consensu patrum dicti conventus urbevetani et presentis conventus fesulani, existente in dicto conventu fesulano priore fratre Francisco de Medicis, in cuius manu professus est solempniter dictus frater Thommas cum omnium assensu.

167. Frater Martinus de Cucina(?) accepit habitum conversorum die 13 februarii 1535, in seculo dicebatur Dominicus Ioannis; et revoluto anno professus est.

168. Frater Petrus Paulus de Uzano, prope Pisciam, accepit habitum clericalem die 11 aprilis 1535, eodem nomine in seculo, etatis XV anno, et professus est.

|f. 108r|

1535

169. Frater Antonius Stephani de Villa Basilica, in seculo nomine Puccius, accepit habitum clericalem die 18 aprilis 1535; anno autem revoluto professus est.

170. Frater Franciscus Andree de Sancto Chiricho, eodem nomine in seculo, accepit habitum clericalem die 2 ianuarii 1536, etatis anno 14; revoluto anno professus est.

171. Frater Iacobus Bartolomei de Pamphi, eodem nomine in seculo, accepit habitum conversorum die 2 ianuarii 1536, et anno revoluto [revolutus scr.] professus est.

172. Frater Silvester Ludovici de Brasciano accepit habitum clericorum die 19 settembris MDXXXVI°, anno etatis sue XVII, existente Priore fratre Felice de Florentia.

173. Frater Modestus Cherubini de Florentia accepit habitum clericorum die 8 martii 1537, etatis sue anno XVI°.

174. Frater Archangelus Andree,

175. Frater Bernardus Zenobii de Talducci,

176. Frater Alexandrer Roberti de Talducci:

hi tres simul acceperunt habitum clericorum die XI aprilis 1537. Omnes sunt florentini. Primus egit decem et septem annos, secundus XVI, tertius etatis sue infra XIIII; priore existente fratre Felice de Florentia.

177. Frater Benedictus Francisci de Sancto Geminiano accepit habitum clericorum die 8 maii 1537, etatis anno suẹ XVI°, in seculo clericus Sancti Remigii[2] de Florentia, sub eodem priore fratre Felice. Rediit in seculum die 14 maii 1538, non professus.

178. Frater Damianus Dominici de Burgo ad Sanctum Laurentium accepit habitum clericorum die X maii 1537 sub eodem patre fratre Felice priore.

179. Frater Iohannes Angeli de Florentia, in seculo Antonius, accepit habitum conversorum die 24 iunii 1537, anno etatis suae vigesimo tertio. Recessit propter infirmitatem, non professus.

180. Frater Robertus (nota quod dictus frater Robertus recessit ante professionem, causa morbi gallici),

181. Frater Gabriel, germani et filii Baptiste de Populeschi de Florentia, et

182. Frater Laurentius[3] Petri de Minerbetti de Florentia:

hi tres simul acceperunt habitum clericalem die 8 iulii 1537. Et dictus frater Laurentius quando accepit habitum complevit tertium decimum annum, ceteri duo XIIII et quintum decimum, induti sub eodem patre priore fratre Felice de Florentia; non fecit professionem.

183. Frater Vincentius Herculani de Perusio, eodem seculo nomine, accepit habitum clericorum a venerabili patre fratre Angelo de Iaceto priore hac die 28 martii 1538; et revoluto anno fecit professionem in manu dicti prioris.

Immo reverendus hic pater indutus fuit a venerabili patre fratre Angelo Vinacesio, tunc priore huius cẹnobii, professus vero est in manibus suprascripti reverendi patris fratris Angeli Diaceti.

|f. 108v|

1538

184. Frater Cherubinus Cherubini de Florentia, Cherubinus antea vocatus, habitum clericorum in conventu Sancti Dominici apud Fẹsulas accepit a reverendo patre priore fratre Angelo de Diacceto die 7 iulii post completorium, anno Domini 1538, ẹtatis vero suẹ 14 completo. Idem revoluto anno non est professus, sed die undecima eiusdem mensis tacite fuit professus; hoc enim factum fuit quia nondum disposuerat de bonis suis. Die postea 13 solemniter professus in manibus venerandi patris fratris Bernardi Alexandrini, tunc temporis prioris prefati conventus.

185. Frater Symon Iacobi de Bibiena, in seculo  *   *   *   dictus, accepit habitum conversorum in die Sanctẹ Mariẹ Magdalenẹ post nonam, anno Domini 1538, anno ẹtatis suẹ 25 vel circa; quem induit reverendus pater prior frater Angelus prefatus. Idem transacto anno probationis, receptus fuit ad professionem, ac deinde 4a die augusti eiusdem anni solemniter est professus sub manibus venerabilis patris prioris fratris Bernardi Alexandrini, prioris tunc temporis huius conventus.

186. Frater Hylarius Mariani de Pomino, qui in seculo Pasquinus dicebatur, ad habitum clericalem receptus est et eodem indutus a reverendo patre fratre Angelo de Diacceto, tunc priore conventus huius, die V decembris 1538, anno ẹtatis suẹ 17 nondum completo, hora 23 diei. Idem evoluto anno, solemniter est professus eodem die eademque fere hora sub manibus venerandi patris fratris Bernardi Alexandrini tunc prioris.

187. Frater Cyprianus Petri de Buonaccorsis, in seculo Christophorus vocatus, accepit habitum clericorum insimul cum prefato fratre Hylario, eodem die et eadem hora et ab eodem priore; et elapso probationis anno, cum eodem solemniter est professus.

188. Frater Paulus Sebastiani de Florentia, in seculo Bartholomeus appellatus, accepit habitum conversorum in conventu Sancti Dominici die 9 ianuarii 1541 circa horam diei 20, anno etatis sue 17 completo. Et revoluto anno, eadem die et hora professus est tacite; solemniter autem in manu venerabilis patris prioris fratris Mathei Strozze die 21 ianuarii circa primam horam noctis, existente vicario totius Ordinis fratre Angelo Ghiacceto.

189. Frater Simplicianus Laurentii, conversus, de Valle Arni superioris, in seculo Urbanus dictus, accepit habitum in prefato conventu Sancti Dominici eodem die et eadem hora et a venerando patre priore fratre Bernardo Alexandrino. Anno vero elapso, professionem nec tacitam nec solemnem fecit propter defectum etatis; nam prorogata sibi fuerat professio cum esset minoris etatis quando receptus fuit. Ideo XXV iulii 1542 fecit professionem tacite, solemniter autem professus est die XIIII [die iter.] augusti circa horam XVIII, existente tunc priore fratre Mattheo Strozza.

|f. 109r|

190. Frater Basylius Clementis de Burgho de Burattinis, in seculo Nicholaus dictus, accepit habitum clericorum in conventu Sancti Dominici apud Fẹsulas die 24 aprilis 1541, circa horam 20 diei, a venerando patre fratre Bernardo Alexandrino tunc priore, anno etatis suẹ 15 nondum completo. Et revoluto anno, eadem die et hora professus est tacite, et die ultima eiusdem mensis circa horam 18 solemniter est professus in manibus venerandi patris prioris fratris Matthei Strozzẹ, existente vicario totius ordinis patre fratre Angelo Ghiacceto Florentino.

191. Frater Marcus Iohannis Chomastri de Villa Basylica, in seculo Georgius nuncupatus, accepit habitum clericalem in eodem conventu, eadem die et eadem hora. Et revoluto anno, professus est tacite et solemniter in manu eiusdem prioris, et eadem die et hora qua prefatus frater Basylius, anno ẹtatis suẹ 14 iam completo.

192. Frater Vincentius Fabbritii de Banchellis de Prato, in seculo Iulius vocatus, accepit habitum clericorum in conventu Sancti Dominici de Fẹsulis XXIX maii 1541 post vesperas, anno ẹtatis suẹ XIIII iam completo, priore tunc existente fratre Bernardo Alexandrino. Et revoluto anno, eadem die et hora professus est tacite; et die XXIIII iunii - hoc est in die Sancti Iohannis Baptiste -, circa horam XVIII, MDXLII, solemniter est professus in manu venerabilis patris prioris fratris Matthei Strozze, existente magistro generali reverendissimo Alberto Hyspano.

193. Frater Silvester Stephani de Barzis de Villa Basylica, in seculo vocatus Vincentius, accepit habitum clericorum in conventu fesulano die 31 decembris 1541, circa primam horam noctis, anno etatis sue XIIII iam completo, priore existente fratre Mattheo Strozza. Anno vero postea elapso, professus est tacite eadem die et hora; solemniter autem 7 die februarii 1543, circa primam horam noctis, in manibus eiusdem patris prioris.

194. Frater Franciscus Raphaelis de Florentia, in seculo Sanctes dictus, accepit habitum clericorum in conventu Sancti Dominici apud Fẹsulas die XXV martii 1543 incohato, et secundum romanam ecclesiam 1542, hoc est in die Resurrectionis et Annuntiationis Dominicẹ post completorium, anno ẹtatis suẹ XIIII nondum completo; accepit autem habitum a reverendo patre fratre Matheo Strozza tunc priore. Idem exutus, a venerando patre priore fratre Bernardo Alexandrino XXI° maii iterum indutus, eo quod non habebat adhuc XIIII annos. Idem evoluto anno, solemniter est professus die XXV mai anno 1544, circa horam XXIIII, sub eodem priore patre fratre Bernardo Allexandrino.

|f. 109v|

Yesus, 1543

195. Frater Victorius Iohannis de Florentia, in seculo vocatus Iohannes Baptista, accepit habitum clericorum in conventu Sancti Dominici apud Fẹsulas, anno ẹtatis suẹ XIIII iam completo, XV die mai 1543 post vesperas, hoc est die Penthecostes; accepit autem habitum a venerando patre fratre Bernardo Alexandrino tunc priore. Idem evoluto anno, solemniter est professus die XXV mai 1544 sub eode<m> priore fratre Bernardo Alexandrino et magistro novitiorum fratre Matheo Strozza.

196. Frater Sebastianus Bartholomei Pagni de Burgo Sancti Laurentii, in seculo eodem prius vocatus nomine, accepit habitum clericorum die Sancti Marci Evangelistẹ MDXLIIII a venerando patre fratre Bernardo Alexandrino tunc priore conventus. Evoluto autem anno, solemnem fecit professionem die Sanctẹ Chaterynẹ de Senis in manibus venerandi patris fratris Nicolai Sebastiani de Aurifice, tunc prioris.

197. Frater Raphael Pasquini de Florentia, in seculo prius vocatus Bernardus, accepit habitum conversorum die Sancti Gregorii MDXLIII a venerando patre fratre Bernardo Alexandrino de Florentia, tunc priore conventus. Et evoluto anno, solemnem fecit professionem in die Annunciationis beatissimẹ Virginis Mariẹ in manibus venerandi patris fratris Nicolai Sebastiani de Florentia, tunc prioris conventus Sancti Dominici de Foesulis, existente magistro Ordinis reverendissimo magistro Alberto Hispano de Casaus[4].

198. Frater Thomas de Argiliano accepit habitum clericorum in conventu Sancti Dominici de Foesulis a venerando patre fratre Bernardo Alexandrino, die iunii  *  *  *  MDXLIIII, priore tunc conventus. Et evoluto anno, suam fecit solemnem professionem in die Sanctẹ Mariẹ Magdalenẹ in manibus venerandi patris fratris Nicolai de Aurifice [Anrifice scr.] de Florentia, tunc prioris conventus supradicti, existente reverendissimo vicario Ordinis magistro Francisco de Castilione.

199. Frater Ioannes Baptista de Barberino accepit habitum clericorum in conventu Sancti Dominici de Foesulis a venerando patre fratre Nicolao de Aurifice de Florentia, priore tunc conventus, in festo Omnium Santorum MDXLIIII. Evoluto autem anno, solemnem fecit professionem in conventu viterbiensi Sanctẹ Mariẹ ad Gradus pro conventu isto Sancti Dominici de Foesulis in manibus venerandi patris fratris Bernardi Alexandrini de Florentia, prioris conventus viterbiensis predicti, existente reverendissimo vicario Ordinis reverendissimo magistro Francisco de Castilione.

|f. 110r| 1545


[1]  In Via delle Ruote di Firenze c'è la targa d'una antica sede dei battilani!

[2]  Antica chiesa fiorentina San Remigio (= Remigio da Reims), nella piazza omonima, accesso da Via dei Neri.

[3]  Nel margine sinistro: «Recessit ante professionem».

[4]   Segue depennato: Frater Ioannes Baptista de Barberino, in seculo eodem nomine vocatus, accepit habitum in conventu Sancti Dominici. Cfr. n° 199.


precedente successiva