precedente successiva

Libro de' novizi e figlioli di San Domenico di Fiesole
(= Libro di vestizione e professione)

■  1636-1761 ca.  ■

 

|f. 12v|

1646

26. Frater Angelus, in seculo Dominicus vocatus, filius domini Ioannis Antonii de Basterottis a Castro Novo, annorum quindecim expletorum die tertia martii more ecclesiastico, accepit habitum clericorum pro conventu Sancti Dominici de Fẹsulis die septima martii 1646, hora sexta decima, ab admodum reverendo patre priore et lectore fratre Carolo Maccanti, sub reverendissimo patre generali patre magistro Thoma Turcho et provinciali patre magistro fratre Sancte Botti, et magistro novitiorum patre fratre Philippo Tani, hora sexta decima, mense et anno supradicto. Natus vero, secundum literas testimoniales baptismi, die tertia martii 1632.

Die 4a februarii 1648 a Nativitate more ecclesiastico, admodum reverendus pater lector frater Carolus Maccantius, huius coenobii prior, vocato coram infrascriptis patribus testibus prẹdicto fratre Angelo, perconctatus est ab ipso num in animo haberet suo tempore professionem emittere. Quo annuente, exquisivit pater prior ab ipso an aliquo esset detentus impedimento quam minus sui voti compos effici posset, et asseverante ipso se nullo detineri impedimento, significatum est ipsi ab eodem reverendo patre priore quod recurrentibus eodem die et hora quibus sacrum Ordinis habitum suscepit, dummodo nec ab ipso nec a patribus aliud ei in contrarium diceretur, esset Ordini per professionem tacitam obstrictus. Cui protestationi libenter ab ipso acceptatẹ, propria manu subscripsit.

Ego frater Angelus de Basterottis aceptavi prẹfatam protestationem et propria manu subscripsi.

Ego frater Thomas Caccia, lector ac novitiorum magister, prẹfatẹ protestationi interfui et propria manu subscripsi.

Alter testis fuit pater frater Vincentius de Pittis.

Prdictus frater Angelus sponte ad sui petitionem, suam solemnem emisit professionem revoluto anno, eodem die quo sacrum religionis habitum susceperat, nempe die 7a martii 1648 more ecclesiastico, in manibus prfati patris prioris, coram patribus ac fratribus conventus. Ita est.

Ego frater Thomas Caccia, lector ac novitiorum magister, manu propria.

Ego frater Angelus de Basterottis fateor mea sponte professum fuisse.

|f. 13r|

1647

27. Frater Laurentius, in sculo nuncupatus Bartholomeus, filius domini Laurentii de Branchaccinis Florentinus, accepit habitum clericorum pro hoc conventu Sancti Dominici de Fesulis die 30 mensis maii 1647, hora 21, per manus admodum reverendi patris prioris et lectoris fratris Caroli Maccantii, ẹtatis suẹ annum agens duodecimum, additits duobus mensibus et quatuor diebus, ut enim constat ex litteris testimonialibus: fonte perenni renovatus fuit[1] die 26 mensis martii anni 1635.

Prdictus frater Laurentius sponte rediit ad seculum die 21 ianuarii, anno Domini 1649 ab Incarnatione Domini, hoc est more florentino.

|f. 13v|

1647

28. Frater Michael Angelus, vocatus in soeculo Sanctes, filius Angeli de Serenis de Bibiena, accepit habitum clericorum pro conventu Sancti Dominici de Fẹsulis die 10 octobris 1647 per manus admodum reverendi patris lectoris et prioris fratris Caroli de Maccantis, hora 14a, ẹtatis suẹ annum agens decimum septimum nondum expletum; deerant enim illi ad eum complendum octo vel novem dies, etenim constat ex litteris testimonialibus natum fuisse kalendis novembris 1630.

Die 5a septembris 1648, vocatus prẹdictus frater Michael Angelus in consilio patrum ab admodum reverendo patre magistro fratre Ambrosio Bandino, priore prẹfati conventus Sancti Dominici de Fẹsulis, fuit ab ipso interrogatus an vellet - elapso tempore suẹ probationis - religionem profiteri. Quo annuente, fuit examinatus et admissus a patribus conventus. Et statim prdictus pater prior protestatus fuit ipsi quod recurrentibus eodem die et hora quibus sacrum habitum Ordinis suscepit, dummodo nec ipse renueret nec aliud a patribus infra prdictum tempus eidem significaretur, intelligente se per professionem tacitam esse Ordini adscriptum et obstriptum; non tamen pro conventu Sancti Dominici de Fẹsulis sed pro coenobio Sanctae Mariae super Saxum, dummodo a patribus illus conventus acceptaretur in filium. Quam protestationem ipse alicri animo acceptavit, prẹsentibus patribus a consiliis pro maiori eorum parte.

Ego frater Michel Angelus de Serenis predictam protestationem acceptavi manu propria.

Ego frater Thomas Caccia, lector ac novitiorum magister, prẹfat protestationi interfui et propria manu subscripsi.

|f. 14r|

1647

29. Frater Carolus, cui nomen in seculo Hieronimus, filius Iacobi de Bartolis ex L?icciana et Magdalenẹ eius legitimẹ uxoris, accepit habitum clericorum pro conventu Sancti Dominici de Fesulis die 10 octobris 1647 per manus admodum reverendi patris lectoris et prioris fratris Caroli de Maccantis, hora 14a, ẹtatis sue annum agens sextum decimum nondum expletum, sed illum explebat[sic] die 30 octobris; ut enim constat ex litteris testimonialibus domini plebani de Vernio, baptizatus fuit die 30 octobris 1631.

Prdictus frater Carolus, infra duos menses quibus probationis tempus explebat, cum esset inabilis fere ad omnia religionis munia obeunda, et ob alias causas graves, fuit exutus habitu et ad propria rẹmissus.[2]

[28B.] Prdictus frater Michel Angelus, revoluto anno, eodem die et hora quibus sacrum Ordinis habitum receperat, tacitam professionem incurrit, et postea hora 24a cum dimidia eiusdem diei suam solemnem emisit professionem publice in capitulo, in manibus admodum reverendi patris magistri fratris Ambrosii Bandini, prioris conventus Sancti Dominici de Fẹsulis, pro conventu Sanctẹ Mariẹ super Saxum, cum iam die 13 septembris 1648 fuerit unanimiter acceptatus in filium a patribus et fratribus vocalibus illius conventus, ut videre est in alligato folio. In quorum omnium fidem,
ego frater Thomas Caccia, lector ac novitiorum magister, hc omnia litteris exaravi manu propria, hac die 10 octobris 1648.

Ego frater Michel Angelus Sereni fateor mea sponte profectum fuisse.

|f. 14v|

1648

30. Frater Ioseph Maria, vocatus in seculo Antonius, filius Iacobi de Pandolphinis de Florentia, accepit habitum clericorum pro conventu Sancti Dominici de Fesulis die 10 ianuarii per manus admodum reverendi patris magistri fratris Ambrosii de Bandinis, prioris predicti conventus, hora 23, etatis suẹ annum agens quintum decimum nondum expletum, sed illum explebat die 17 ianuarii; constat enim ex litteris testimonialibus ipsum natum fuisse die 17 ianuarii.

Prdictus frater sponte rediit ad seculum.

1649

31. Frater Philippus, in seculo Bartolomeus vocatus, filius quondam Petri Philippi de Brancaccinis de Florentia, clericorum accepit habitum pro conventu isto Sancti Dominici de Fesulis die 23 maii - qui fuit dies sacratus Pentecostes - per manus admodum reverendi patris magistri fratris Ambrosii Bandini prẹfati conventus prioris, hora 22, ẹtatis suẹ anno 14 nondum expleto; et patet ex fide ???.

Die 6 aprilis 1652, coram me infrascripto et fratre Bonaventura sacristano(?) conventus, vocatus fuit supradictus frater Phylippus Brancaccini ab admodum reverendo patre priore huius conventus fratre Iosepho Barzanti predicatore generali, et facta est illi protestatio quod non incurrat in professione tacita nec profiteri possit usquedum ab ipsomet patre priore aliud insinuatur, et hoc iustis de causis. In fidem cuius(?), ita est, frater Ambrosius Santini, magister novitiorum.

Die 14 maii 1652 facta fui protestatio ab admodum reverendo patre priore supradicto, predicto fratri Philippo Brancaccini, ut expleto anno sexto decimo ẹtatis suẹ, intelligatum(?) incurrisse tacitam professionem, habita dispensatione trium mensium a reverendo patre generali fratre Ioanne Baptista Marino et licentia profitendi a sacra congregatione cardinalium sub datis Romẹ 16 martii 1652, et hoc coram me infrascripto et coram admodum reverendo patre predicatore generale fratre Michaele Mo??. Insuper, requisitus an aliquibus esset detenctus impedimentis quominus sui ??? compos effici posset et sponte vellet profiteri, respondit se nullo deniteri impedimento et sponte profiteri velle. Die vero 26 maii 1652, hora circiter 22 post meridiem, in manibus supradicti patris prioris Barzanti suam solemnem professionem emisit.

Ita est, frater Philippus Brancaccini supradictus manu propria.

Ita est, frater Ambrosius Santini, bacc(alariu)s et magister novitiorum.

|f. 15r|

1649

32. Frater Ioannes Dominicus, vocatus in seculo Ioannes, filius domini Petri Amerighi de Floriano, accepit habitum clericorum pro conventu Sancti Thomẹ de Floriano die tertia maii 1648 per manus admodum reverendi patris magistri et provincialis fratris Dominici Galli in conventu Sancti Marci de Florentia, ẹtatis suẹ anno 13, menses 6 et dies quatuor; patet enim ex licteris testimonialibus ipsum natum fuisse die 30 octobris 1633. Qui missus fuit ad hunc conventum Sancti Dominici de Fesulis pro educatione.

Die 28 decembris 1651 prẹdictus frater Ioannes Dominicus Amerighi, habita prius licenzia profitendi a sacra congregatione sub die 2 predicti mensis et anni, ut videre est hic e contra, vocatus fuit ab admodum reverendo patre predicatore generali ac priori [sic] huius conventus coram patribus a consiliis, fratre Iosepho Barzanti, et acceptatus de licteris et moribus per vota secreata, nemine discrepante, intimatum est illi ut statim quod a patribus conventus Sancti Thomẹ de Floriano obtenta esset licenzia quod possit profiteri pro illo conventu pro quo fuerat indutus, intelligeretur ispsum tacitam professionem incurrisse. Qui annuit et propria manu se subscripsit. Frater Ambrosius Santini magister novitiorum.

Ita est, frater Ioannes Dominicus Amerighi qui supra, propria manu.

Die vero 27 eiusdem mensis decembris 1651, hora circa 24, predictus frater Ioannes Dominicus Amerighi, in manibus admodum reverendi patris prioris et predicatoris generalis fratris Iosephi Barzanti, emisit suam solemnem professionem ad altare maius, coram toto conventu. In fidem cuius, ita esse affirmo, frater Ambrosius Santini, bacc(alariu)s et magister novitiorum.

Ita est, frater Ioannes Dominicus Amerighi qui supra, propria <manu>.

|f. 15v|

1649

33. Frater Franciscus, in seculo vocatus Bandinus, filius domini Bartolomei Bargigli de Florentia, accepit habitum clericorum pro conventu Sancti Dominici de Fesulis die ultima novembris 1649, hora 22, ab admodum reverendo patre magistro et priore fratre Ambrosio Bandini, ẹtatis suẹ annum agens decimum octavum, menses septem, dies 25; etenim constat ex licteris testimonialibus fonte perenni renovatus fuisse die 9 aprilis 1632.

Predictus frater Franciscus die 9 decembris vocatus coram patribus a consiliis a reverendo patre priore et predicatore generali fratre Iosepho Barzantio et interrogatus an vellet profiteri, cum affirmative respondisset, significatum fuit id quod iam pridem perpluries omnibus innotuerat, suspensas[sic] fuisse a sacra Congregatione regularium.

Prẹdictus frater Franciscus die 28 decembris 1650, hora 24 cum dimidia, habita licenta a sacra Congregatione regularium emittendi professionem (ut videre est in pagina sequenti), suam solemnem emisit professionem in publico capitulo.

Ita est, frater Vincentius Ghi?i, lector novitiorum, manu propria.

Ita est, frater Franciscus Bargigli manu propria.

|f. 16r|


[1]  fonte perenni renovatus fuit... = era stato battezzato...

[2]  Questi due capoversi, relativi a Frater Carolus, cui nomen in seculo Hieronimus, filius Iacobi de Bartolis (n° 29, soltanto vestizione 10.X.1647, poi abbandono della vita religiosa), sono barrati da tratti trasversali. Il che spiega come l'immediata parte successiva nel medesimo folio sia complementare alle notizie circa professione solemne di Frater Michael Angelus ( 28), vestizione 10.X.1647 e professione tacita 5.IX.1648 nel folio precedente.


precedente successiva