| ⌂ |
|
| ⌂ |
■ 1636-1761 ca. ■ |
| ⌂ |
|
| ⌂ |
■ 1636-1761 ca. ■ |
|p. 133 |
Die 12 decembris 1733
443. Frater Ioannes Franciscus Cerbault suam solemnem emisit professionem in manibus admodum reverendi patris lectoris fratris Angelici Mariẹ Nardi, prioris huius conventus, hora secunda noctis sequentis, cum nullam fecisset suorum bonorum renuntiationem, sub admodum reverendo patre lectore fratre Alberto Maria Tortori vicario generali nostrẹ Congregationis et reverendissimo patre fratre Thoma Ripoll magistro generali totius Ordinis nostri.
Ita est, frater Ioseph Maria Gaffuro magister novitiorum.
Die 24 decembris 1733
444. Admodum reverendus pater lector frater Angelicus Maria Nardi, prior huius conventus Sancti Dominici, induit hac die, hora decima cum dimidio post mattutinum, habitu nostrẹ religionis dominum Iacobum, filium Andreẹ d'Andria chiensis, ẹtatis suẹ annorum septemdecim cum dimidio expletorum, cum prius subiisset examen consuetum coram patribus a consiliis, et postea capitulariter a toto conventu acceptatus esset, qui mutato nomine vocatus fuit frater Reginaldus Maria; et eodem die et hora induit etiam habitu conversorum - scilicet scapulari nigro tertiarium - fratrem Romulum Mariam, etatis annorum vigintitrium et trium mensium, cum prius examinatus et acceptatus esset ut supra, cum esset magister generalis totius Ordinis reverendissimus pater frater Thomas Ripoll et vicarius generalis nostrẹ Congregationis admodum reverendus pater lector frater Albertus Maria Tortori.
Ita est, frater Ioseph Maria Gaffuro magister novitiorum.
Die 29 ianuarii 1733
445. Vocatus fuit ab admodum reverendo patre lectore fratre Angelico Maria Nardi, priore huius conventus, frater Hyacinthus Maria Iustiniani novitius, et |p. 134 | coram infrascriptis patribus requisivit ab illo an vellet sponte et libere profiteri revoluto anno suẹ probationis, dummodo nullum habeat impedimentum ex memoratis a nostris constitutionibus; et protestatus est illi quod, neque religio neque ipse contradixerit, incurret suam professionem tacitam die 2 februarii, hora 23, quẹ fuit hora suẹ vestitionis. Et respondit ut infra:
Ego frater Iacintus Maria Giustinianus acceptavi supradictam protestationem, et nullum habens impedimentum ut supra, fateor me velle sponte profiteri, ut supra dicitur, et in fidem manu propria.
Ego frater Augustinus Dominicus Buratti fui prẹsens supradictẹ protestationi et acceptationi. In fide manu propria.
Ego frater Ambrosius Caterinus Maria Barlotti, lector primarius, fui prẹsens prẹdictẹ protestationi et acceptationi. Ita est, manu propria.
Die 14 februarii 1733
446. Supradictus frater Hyacinthus Maria Iustiniani suam solemnem emisit professionem in manibus admodum reverendi patris lectoris fratris Alberti Mariẹ Tortori, vicarii generalis nostrẹ Congregationis, cum nullam fecisset suorum bonorum renuntiationem, sub reverendissimo patre magistro generali Ordinis nostri fratre Thoma Ripoll.
Ita est, frater Ioseph Maria Gaffuro magister novitiorum.
Die 26 februarii 1733
447. Vocatus fuit ab admodum reverendo patre lectore fratre Angelico Maria Nardi, priore huius conventus Sancti Dominici de Fesulis, frater Vincentius Thomas Batacchi novitius, et coram infrascriptis patribus requisivit ab illo an vellet sponte |p. 135 | et libere profiteri revoluto anno suẹ probationis et dilatione completa, dummodo nullum habeat impedimentum ex memoratis a nostris constitutionibus, et protestatus est illi quod incurret suam solemnem professionem quando ei notificatum fuerit. Et respondit ut infra:
Ego frater Vincentius Thomas Maria Batacchi acceptavi supradictam protestationem, et nullum habens impedimentum ut supra, fateor me velle sponte profiteri, ut supra dicitur, et in fidem manu propria.
Ego frater Zenobius Maria Brocchi fui prẹsens prẹdictẹ acceptationi et protestationi. Ita est, manu propria.
Ego frater Augustinus Dominicus Buratti fui prẹsens prẹdictẹ acceptationi et protestationi. Ita est, manu propria.
Die 5 martii 1733/34
448. Supradictus frater Vincentius Thomas Maria Batacchi suam solemnem emisit professionem in manibus admodum reverendi patris lectoris fratris Alberti Mariẹ Tortori, vicarii generalis nostrẹ Congregationis, cum prius bonorum suorum renuntiationem fecisset in favorem suorum fratrum in seculo remanentium in curia episcopali fesulana die 27 februarii 1733/34, per acta Francisci Chiarenti cancellarii curiẹ, sub reverendissimo patre magistro generali Ordinis nostri fratre Thoma Ripoll, hora vigesima secunda cum dimidio prẹsentis diei.
Ita est, frater Ioseph Maria Gaffuro magister novitiorum.
Die 24 octobris 1734
449. Admodum reverendus pater prior lector frater Petrus Augustinus Ceccherelli vocavit coram infrascriptis patribus fratrem Thomam Mariam |p. 136 | Falciani et protestatus est quod non incurret suam professionem tacitam nisi denuo vocatus et in consilio patrum examinatus, ab ipsis assignatus fuerit dies suẹ prẹdictẹ professionis. Et respondit ut infra:
Ego frater Thomas Maria Falciani acceptavi suprascriptam protestationem eo modo quo supra, et in fide propria manu me subscripsi.
Ego frater Augustinus Dominicus Buratti fui prẹsens supradictẹ protestationi. Ita testor manu propria.
Ego frater Antoninus Ceccherelli, lector conventus, fui praesens supradictae protestationi. Ita testor manu propria.
Die 6 novembris 1734
450. Supradictus frater Thomas Maria Falciani, cum periculosa et pene incurabilis corporis indisposizione [sic] affectus esset, ob quam regularem ferre non posset observantiam, sponte habitum dimisit coram testibus et rediit ad propria.
Ita est, frater Dominicus Angelicus Maria Lazzerini magister novitiorum.
Die 14 octobris 1734
451. Frater Romulus Maria Formigli conversus, cum per tres annos et duos menses habitum detulisset nec iugo religionis se accomodasset, a patribus discretis a conventu expulsus fuit.
Ita est, frater Dominicus Angelicus Maria Lazzerini magister novitiorum.
Die 17 novembris 1734
452. Vocati fuerunt ab admodum reverendo patre lectore fratre Petro Augustino Ceccherelli, priore huius conventus Sancti Dominici de Fesulis, frater Philippus Maria Sereni civis florentinus et frater Reginaldus Maria de Andria Chiensis, novitii, et coram |p. 137 | infrascriptis testibus requisivit ab illis an vellent sponte et libere profiteri revoluto anno suẹ probationis, dummodo nullum haberent impedimentum ex memoratis a nostris constitutionibus; et protestatus est illis quod nullum habentes impedimentum prẹdictum et volentes sponte et libere profiteri, suam incurret professionem: primus die 30 labentis mensis, secundus die 24 decembris proximi futuri. Responderunt ut infra:
Ego frater Philippus Maria Sereni acceptavi suprascriptam protestationem et fateor me velle libere et sponte profiteri, nullum habens impedimentum, ut supra; et in fidem manu propria.
Ego frater Reginaldus Maria d'Andria acceptavi suprascriptam protestationem et fateor me velle libere et sponte profiteri (nullum habens impedimentum, ut supra) die supradicta, et in fidem manu propria.
Ego frater Dominicus Angelicus Maria Lazzerini, supprior, fui prẹsens supradictis protestationibus et acceptationibus. Ita testor manu propria.
Ego frater Thomas Benedicti Maria Checcacci fui prẹsens supradictis protestationibus et acceptationibus. Ita testor manu propria.
Die 30 novembris 1734
453. Frater Philippus Maria Sereni, premissa tacita, suam solemnem emisit professionem in manibus admodum reverendi patris lectoris fratris Petri Augustini Ceccherelli, prioris huius conventus, hora prima noctis sequentis, sub reverendissimo patre magistro generali totius Ordinis nostri fratre Thoma Ripoll.
Ita est, frater Dominicus Angelicus Maria Lazzerini magister novitiorum.
Die 24 decembris 1734
454. Frater Reginaldus Maria d'Andria Chiensis suam emisit solemnem professionem in manibus admodum reverendi patris lectoris fratris Petri |p. 138 | Augustini Ceccherelli, prioris huius conventus, hora quartadecima, cum nullum fecisset suorum bonorum renunciationem, sub reverendissimo patre fratre Thoma Ripoll magistro generali totius Ordinis sancti patris Dominici.
Ita est, frater Dominicus Angelicus Maria Lazzerini magister novitiorum.
Die 2 februarii 1734 ab Incarnatione
455. Admodum reverendus pater lector frater Petrus Augustinus Ceccherelli, prior huius conventus Sancti Dominici de Fesulis, induit hac die, hora 22, habitu nostrẹ religionis dominum Petrum, filium domini Antonii Mariẹ Tozzetti civis florentini, aetatis suae annorum 15 et diebus duobus, cum prius subiisset consuetum examen coram patribus a consiliis et postea capitulariter a toto conventu acceptatus esset, qui vocatus fuit frater Petrus Dominicus, sub reverendissimo patre generali fratre Thoma Ripoll.
Ita est, frater Dominicus Angelicus Maria Lazzerini magister novitiorum.
Die 20 februarii 1734 ab Incarnatione
456. Frater frater Thomas Maria Falciani, qui propter incurabilem morbum cum lacrimis habitum dimiserat, iam proximus morti iterum petiit religionis habitum, quem obtinuit, professionem emisit, et mortuus est sepultusque cum habitu Ordinis in sepulcro fratrum ẹcclesiẹ Sanctẹ Catharinẹ Senensis de Liburno. Fuit iuvenis mirẹ innocentiẹ, orationis, virtutis et devotionis erga Deiparam, ut ex annexo folio videre licet[1].
Ita est, frater Dominicus Angelicus Maria Lazzerini magister novitiorum.
Die 25 martii 1735
457. Frater Ioseph Maria, in seculo Dionysius, filius Francisci Meus civis florentini, ẹtatis suẹ annorum 15 et trium mensium, hora 22 prẹdictẹ diei accepit habitum nostri Ordinis pro nostra Congregatione ab admodum reverendo patre lectore fratre Petro Augustino Ceccherelli, priore huius conventus, sub reverendissimo patre magistro generali fratre Thoma Ripoll.
Ita est, frater Dominicus Angelicus Maria Lazzerini magister novitiorum.
|p. 139 |
Die 20 maii 1735
458. Frater Ioseph Antoninus Maria Torelli de Romagnana diẹcesis Novariensis, postquam habitum tertiarii duobus annis, decem mensibus, diebus sexdecim gestasset, vocatus ab admodum reverendo patre lectore priore fratre Petro Augustino Ceccherelli, examini patrum expositus et in capitulo per vota secreta approbatus, admissus fuit ad annum probationis, suo tempore professurus.
Ita est, frater Dominicus Angelicus Maria Lazzerini magister novitiorum.
Die 9 iunii 1735
459. Frater Thomas Vincentius, in seculo Antonius Stephanus, filius domini Caroli Bernardi civis veronensis, ẹtatis suẹ annorum viginti et trium mensium, hora 22 prẹdictẹ diei suscepit habitum nostri Ordinis pro nostra Congregatione ab admodum reverendo patre lectore fratre Petro Augustino Ceccherelli, priore huius conventus, sub reverendissimo patre magistro generali fratre Thoma Ripoll.
Die 22 ianuarii 1735
460. Vocatus fuit ab admodum reverendo patre lectore fratre Petro Augustino Ceccherelli, priore huius conventus Sancti Dominici de Fesulis, frater Petrus Dominicus Tozzetti novitius, et coram infrascriptis patribus requisivit ab illo an vellet sponte et libere profiteri revoluto anno suẹ probationis, dummodo nullum haberent [sic] impedimentum ex memoratis a nostris constitutionibus; et protestatus est illi quod nullum habens impedimentum prẹdictum et volens sponte et libere profiteri, suam incurrat professionem die 2 proximi futuri mensis februarii. Respondit ut infra:
Ego frater Petrus Dominicus Maria Tozzetti acceptavi supradictam protestationem, et fateor me velle libere et sponte profiteri, nullum habens impedimentum ut supra, die supradicta, et in fidem manu propria.
|p. 140 |
Ego frater Thomas Benedictus Maria Checcacci fui prẹsens supradictis protestationibus et acceptationibus. Ita testor manu propria.
Ego frater Antoninus Ceccherelli fui praesens supradictis protestationibus et acceptationibus. Ita testor manu propria.
Die 17 februarii 1735
461. Supradictus frater Petrus Dominicus Tozzetti, cum in fesulana curia bonis omnibus renuntiasset in favorem domini Antonii Tozzetti patris sui, prẹmissa tacita, professionem solemnem emisit in manibus admodum reverendi patris lectoris fratris Petri Augustini Ceccherelli prioris, a quo nomen Mariẹ - sicut ipse pustulaverat - adiunctum fuit, sub admodum reverendo patre lectore fratre Angelico Maria Nardi vicario generali nostrẹ Congregationis et sub reverendissimo patre fratre Thoma Ripoll magistro generali totius Ordinis nostri.
Die 25 martii 1736
462. Admodum reverendus pater prior lector frater Petrus Augustinus Ceccherelli vocavit coram infrascriptis testibus Ioseph Mariam Meus, et hac hora 18 protestatus est ei quod non incurreret suam professionem tacitam nisi denuo vocatus, et in consilio patrum examinatus, ab ipsis ei assignatus fuerit dies suẹ prẹdictẹ professionis. Et respondit ut infra:
Ego frater Ioseph Maria Meus acceptavi suprascriptam protestationem eo modo quo supra, et in fide manu propria.
Ego frater Thomas Benedictus Maria Checcacci fui prẹsens supradictẹ protestationi. Ita testor manu propria.
Ego frater Antoninus Ceccherelli fui prẹsens supradictẹ protestationi. Ita testor manu propria.
[1] Tra pag. 138 e pag. 139 vi è inserito un biblietto postale di fra Giacinto Maria Moscardi in lingua volgare, datato "23 febbraio 1735" (anno dello stile comune?), indirizzato a fra Domenico Angelico Maria Lazzerini, che dà notizia del decesso di fra Tommaso Maria Falciani, avvenuto «la sera del dì 20 cadente, alle ore 2 di notte».
