precedente successiva

Registrum litterarum
magistri Ioakini Turriani Veneti, 1487-1500

■ AGOP IV.9 (1487-1490): Provincia Romana ff. 72r-87v ■

ë  

|85v|

1490

Confirmantur venditiones factę quarundam possessionum, usque ad 3a [=? tertium] heredem, conventus mevaniensis, et de novo eis conceditur licentia?? alia bona stabilia alienandi et in alia bona commutandi, dummodo de consensu patrum fiat et ad manifestam utilitatem conventus accedat. Romę, 18 ianuarii 1490.

Deputatur cella, quę que olim fuit fratris Petri Antonii e. c(onventus), pro lectore pro tempore existenti eiusdem conventus et eodem die, non abstant(e) concessione fratri Thomę facta, cui derogatur.

Frater Thomas, conventus Mevanię, assignatur in conventu aretino, et mandatur sibi quod iinfra 8 dies a notitia debeat discedere de conventu Mevanię et ad conventum sibi assignatum se conferre. Eodem die.

Magister Sebastianus de Spoleto assignatur predicator pro futura quadragesima immediate sequente in conventu cayetano, cum gratiis. Romę, 30 ianuarii 1490.

Idem potest predicare ubique, audire confessiones, recipere elemosinas, tenere unum socium. Romę, eodem die.

Soror Baptistina, monasterii Sancti Sixti, potest morari Anchonę in domo sua quousque recuperaverit bona sua, et mandatur presidenti pro tempore conventus anchonitani quod sit ei auxilio et favori. Romę, 4 februarii.

Frater Matthias, conventus Sancti Spiritus de Senis, potest per annum extra ordinem morari, et servire. Romę, 4 februarii.

Frater Thomas de Mevania assignatur in conventu spoletano, non obstantibus. Romę, viij° februarii.

Frater Petrus de Spoleto assignatur in conventu spoletano. Eodem die.

Magister Dionorus de Viterbio potest ubique predicare et tenere unum socium et audire confessiones, et recipere honores utriusque sexus ad Tertium habitum, et quater in anno plenarie absolvi. Romę, 9 februarii.

Sorores Eugenia et Cecilia de Castro Furani Tertii habitus possunt in absentia fratrum nostrorum confiteri cuicumque sacerdoti. Eodem die, Romę.

Frater Thomas, conventus pistoriensis, assignatur in eodem conventu. Romę, 3 martii.

Precipitur priori et patribus conventus spoletini, sub pena excomunicationis latę sententię, quod infra mensem a notitia debeant fecisse unum depositum in sacristia cum duabus clavibus, una quarum teneat prior, alia unus de antiquioribus patribus conventus ubi ponantur pecunie et cera conventus, nec tamen extrahi possint sine concensu amborum. Romę, 8 martii.

Frater Alexius de Rigoglis et frater Philippus de Burcis, conventus Sanctę Marie Novelle de Florentia, possunt infra duos menses assumere habitum artioris religionis. Romę, 16 martii.

Frater Vincentius de Campis de Florentia potest morari in quocumque conventu. Romę, 17 martii.

Frater Dominicus de Florentia, conventus Minerve, potest comparere in quocumque iudicio pro rebus suis sive iure hereditario sibi concessis exigendis. 19 martii, Romę.

Frater Benedictus, conventus Campiregii de Senis, assignatur in eodem conventu, et potet pomoveri a<d> diaconatum. Romę, 20 martii.

Frater Bartholomeus, conventus perusini, assignatur in eodem conventu. Romę, 14 aprilis.

Frater Dominicus de Roma potest ire in Greciam ad Terram Sanctam et morari apud quascumque personas, et servire ecclesiis et ministrare sacramenta. Romę, 16 aprilis.

Frater Dominicus Pauli de Florentia potest exigere bona sua in quocumque iudicio. Romę, 18 aprilis.


segue barrato: Frater Vincentius de Vuassenar, conventus ferrariensis, transfertur ad provinciam Holandie et conventum ubi maior pars eum acceptare voluerit. 25 aprilis, Romę.


Frater Nicholaus, prior conventus ananini, absolvitur a prioratu eiusdem conventus, et fit vicarius eiusdem et electionis conventus quousque prior etc. Romę, 23 aprilis.

Precipitur fratri Sebastiano de Spoleto, sub pena excomunicationis latę sententię, quod infra triduum debeat discedere de conventu et coram magistro Romę personaliter comparere. Romę, 25 aprilis.

Precipitur fratri Antonio iuniori de Civitavetula, sub pena excomunicationis latę sententię, quod infra mensem a notitia debeat satisfecisse Petro Gori de Roma de 13 ducatis et uno tertio, quos sibi tenetur. Romę, 25 aprilis.

|86r|

1490

Frater Iohannes Dominicus de Viterbio assignatur studens artium in conventu senensi, cum gratiis. Romę, ij° maii 1490.

Precipitur fratri Vincentio de Anania, sub pena gravioris culpe, quod infra quindenam a notitia debeat accipere unum iudicem et Iannicius consobrinus suus alium, et ubi ambo concordaverint super causa inter ambos vertente, habeatur pro sententia deffinitiva. Romę, 5 maii.

Frater Bartholomeus, conventus spoletini, fit vicarius eiusdem conventus usque ad adventum magistri vel prioris in conventu. Romę, 7 maii.

Precipitur fratri Sebastiano de Spoleto, sub penis privationis omnium gratiarum ordinis, bonorum suorum, filiationis conventus et gravioris culpe, quod infra diem naturalem a notitia debeat assumere iter et coram magistro personaliter comparere. Romę, eodem die.

Magister Benedictus de Pisis morari potest extra ordinem et servire ecclesiis cum socio sibi grato. Romę, 8 maii.

Frater Hieronymus de Florentia conventus Sancti Marci, vicarius generalis conventuum reformatorum provincię, fit etiam vicarius conventuum aquilani, theatini et Guardię p(rovincie) Regni, et submictuntur Congregationi Romanę. Romę, 12 maii.

Declaratur omnibus et singulis quod Iohannes Baptista de Monte Fortino, quamvis habitum religionis ultra annum portaverit, numquam tamen in eo professionem fecit, et ad religionem nostram nullo modo pertinere. Romę, 12 maii.

Precipitur fratri Nicholao de Urbeveteri, sub pena exomunicationis latę sentent, quod infra diem naturalem a notitia debeat assumere iter et coram magistro personaliter comparere. Romę, 14 maii.

Conceditur conventui senensi quod possit vendere sive alienare vel commutare. de consensu maioris partis, illam vel illas pezias terrę quam habet prope castrum Casoli, dummodo ad manifestam utilitatem conventus accedat. Romę, 15 maii.

Commictitur priori quod recipiat ad ordinem fratrem Valentinum de Sclavonia qui apostatavit ab ordine, et faciat eum facere penitentiam gravioris culpe, post duos menses secum misericordiam facturus, plus et minus. Romę, eodem die.

Frater Iohannes de Segna, conventus ananini, potest morari extra ordinem per annum et servire ecclesiis. Romę, 20 maii.

Magister Paulus de Corsica, conventus perusini, potest suscipere iterum insignia magistralia in universitate sacri palatii. Romę, die 24 maii.

Frater Iacobus de Nursia potest morari extra ordinem et servire ecclesiis. Romę, 31 maii.

Fratres Bartholomeus de Marradis et Antonius de Spoleto possunt ire ad partes orientales et morari in quocumque conventu. Romę, 27 maii.

Frater Petrus de Anania instituitur prior conventus ananini, cum plenaria auctoritate, ex eo quod fratres vota sua commiserunt magistro rev.mo. Romę, 3 iunii.

Frater Franciscus de Reate potest in 23 anno promoveri ad sacerdotium. Romę, 10 iunii.

Mandatur fratri Thomę de Mantua, vicarius conventus Sanctę Sabinę, quod vadat ad locum Magliani, ibique vel Aquile tamdiu moretur quousque plenam recuperet sanitatem; non tamen removetur a conventualitate prefata. Romę, 14 iunii.


ad locum Magliani = Magliano dei Marsi (AQ): cf. SERAFINO RAZZI, Viaggi in Abruzzo [1574-77], ed. B. Carderi, L’Aquila 1968, pp. 39-40 e nota 11. B. Carderi, Quaderni abruzzesi di storia domenicana, Teramo 1969, 143b.


Conceditur priorisse et monialibus monasterii Sanctę Annę de Urbe quod, de assensu maioris partis, possint recipere ad habitum sororem Catharinam eiusdem monasterii olim professam. Romę, eodem die.

|86v|

1490

Frater Mattheus de Roma, conventus Minervę, potet recipere elemosinas et quater in anno plenarie absolvi, et ad libitum exire de provincia et redire ad eandem. Romę, 14 iunii 1490.

Subicitur rev.mo domino cardinali neapolitano, protectori ordinis, sive eidem datur facultas super totum ordinem in temporalibus et spiritualibus, in capitibus et in membris, exequendi et determinandi prout magister generalis potest; et mandatur omnibus et singulis fratribus ut sibi in omnibus obedire debeant. Romę, 20 iunii.


 Oliviero Carafa, vescovo di Napoli dal 1458, cardinale dal 1467, † 1511 (HC II, pp. 14 n° 3, 200).


Frater Vincentius de Mugnano declaratur mativus ad de novo instituitur filius conventus Sanctę Marie de Quercu. Romę, xxiiij° iunii.

Frater Baptista de Decomano potest in Greciam et ad pates orientales ire et servire ecclesiis. Viterbii, 27 iunii.

Frater Dominicus Antonii de Viterbio fit prior conventus Civitevetule. Perusii, 6 iulii.

Precipitur priori et patribus pro tempore conventus viterbiensis, sub pena suspensionis ab officio prioratus et excomunicationis latę sententię, quod non possint alienare bona stabilia conventus vel commutare in alia bona, neque accommodare extra ordinem iocalia sacritie neque permictant incidi ligna in silva Sancti Antonii conventus. Viterbii, 28 iunii 1490.

Frater Dominicus Antonii, conventus Viterbii, potest consignare cameram suam in eius absentia cuicumque voluerit custodiendam. Viterbii, eodem die.

Frater Cosmus de Aretio declaratur filius originalis ac de novo fit nativus conventus viterbiensis. Viterbii, eodem die.

Magister Vincentius de Reate confirmatur in priorem conventus spoletini cum plenaria auctoritate. Spoleti, 4 iulii.

Conventus Spoleti eximitur a contributione anni 1486 ex eo quod suscepit capitulum provinciale in conventu. Spoleti, eodem die.

Mandatur fratri Sebastiano de Spoleto, sub penis carceris, privationis omnium gratiarum ordinis, filiationis conventus et excomunicationis latę sententę, quod non possit morari in eodem conventu et civitate et in terminis eiusdem, et mandatur etiam priori provinciali et priori conventus pro tempore quod non permictant dictum fratrem Sebastianum in predictis locis morari absque licentia generalis magistri in literis ostensa, cum invocatione auxilii brachii secularis. Spoleti, 4 iulii.

Conceditur abbatisse ceterisque sororibus monasterii Sancti Matthei de Spoleto quod possint fieri facere unam conservam aque in orto conventus spoletani, cum tribus cannellis grossitudinis unius digiti minoris manus; et per unam illarum introducere aquam in monasterium earum, hac conditione quod non habeant per hoc aliquam iurisdictionem super dicta aqua. Spoleti, eodem die.


 Che cosa dice e che cosa suppone questo insolito item? Provo a raccontarmi i fatti presupposti e quelli proposti:
Le monache di San Matteo di Spoleto (domenicane, visto che risultano sub iure Ordinis Predicatorum), monastero prossimo al convento domenicano
San Salvatore, non hanno trovato acqua nelle falde sotterranee al loro territorio. Provano allora a far fare un serbatoio d'acqua (conservam aque) nell'orto del contiguo convento domenicano, con tre canalette (cum tribus cannellis) o piccole condotte d'acqua; dallo spessore non superiore a un dito mignolo (digiti minoris). "Ehi!, contenete il flusso d'acqua" - sembrano sussurrare i frati! Una delle tre condotte viene prolungata fin dentro al monastero, coś da arrecare acqua alle monache. Queste tuttavia non acquisiscono titolo di proprietà su tale acqua. Il maestro dell'ordine domenicano approva, Spoleto 4.VII.1490.

  Cf. S. Orlandi, S. Filippo Neri e i Domenicani, MD 81 (1964) pp. 39-40. C. Longo, Una relazione seicentesca sugli insediamenti domenicani di Spoleto, AFP 76 (2006) 171-216; convento domenicano San Salvatore (1258); primitivo monastero domenicano (1464?) ridenominato nel 1529 Santa Caterina della Rosa (cf. pp. 209-210).


Frater Vincentius de Reate, magister et prior spoletanus, potest retinere et recipere quosque fratres advenientes voluntarios, eosque ibidem assignare. Fulginei, 5 iulii.

Frater Dyonisius de Viterbio assignatur in conventu spoletano, et potest ire ad scolas grammaticę et promoveri ad sacros ordines. Perusii, 5 iulii.

Frater Petrus Frittella, conventus Mevanię, potest morari extra ordinem pro tribus annis et servire ecclesiis. Perusii, 8 iulii.

Frater Paulus de Passignano, conventus perusini, potest predicare ubique et recipere elemosinas et de eis subvenire matri suę, et quater in anno plenarie absolvi. Perusii, eodem die.

Frater Michael de Luca, novitius, potest ubique profiteri pro conventu lucano. Mevanię, 5 iulii.

|87r|

precedente successiva