precedente successiva

Registrum litterarum
magistri Ioakini Turriani Veneti, 1487-1500

■ AGOP IV.11 (1494-96): Provincia Romana ff. 65r-71v

    ë  

|66r|

1495

Fratri Dominico de Tuderto datur licentia eundi ad Sanctum Iacobum. Die xxviij aprillis, Venetiis.

Frater Benedictus di Dono fit pater de consilio in conventu Sancte Marie Novelle. Die eadem.


«Frater Benedictus Doni...» († 8.III.1527/8) in CrSMN n° 812. Simpatico - ma anche importante - caso di esplicito patronimico "di Dono", ovvero "figlio di Dono", laddove le convenzioni prevalenti, in "Doni" e simili, v'intendono un cognome!


Precipitur fratri Petro de castello Sancti Cassiani, sub sententia excomunicationis late sententie et sub pena privationis filiationis conventus et habitus, quod a noticia literarum in terminum octo dierum debeat dictum castellum et eius territorum exivisse et ire Florentiam, in quo est assignatus; et quod reddat per inventarium rationem amministrationis tam de rebus mobilibus quam immobilibus et de ordinariis et extraordinariis loci dicti "hospitium fratrum Predicatorum" in eodem castro; item sub eisdem penis, inde etiam expellitur frater Andreas de Florentia et eodem modo; et quod amplius ibidem non redeant absque licentia rev.mi petita et optenta. Cuius rei rexecutio committitur magistro Gabrieli Dominici de Florentia. Die ij maii, Venetiis.


fra Pietro di Mariotto da San Casciano: muore di peste nell'ospizio OP di San Casciano 23.VIII.1527, CrSMN n° 812.


Frater Matthias de Pistorio removetur a conventu lucensi et assignatur in conventu pistoriensi. Die v maii, Venetiis.

Committitur fratri Laurentio priori pistoriensi e fratri Andree Anselmi ut, secundum quod continetur in literis clausis sibi destinatis, debeant inquirere et inquisita sigillata transmittere. Die eadem.

Committitur fratri Ioanni de Ursetis quod in consignato loco a civibus Sarzane quod possit reedificare locum ordinis, ex eo quod destructus fuit primus locus, et quod nullus inferior non possit eum molestare; et factus est prior. Die vij maii, Venetiis.

Frater Baptista de Cai assignatur in conventu Cai. Die xiiij maii, Venetiis.


Cai: da identificare verosimilmente(?) con Cagli (pr. Pesaro), Calliensis/Cagliensis.


Fratres Bartholomeus de Alba et frater Alexius de Sancto Geminiano assignantur in conventu Viterbii. Die xvi maii, Venetiis.

Confirmatur quicquid factum est per patres consilii et alios fratres conventus Sancte Marie Novelle de Florentia pro(?) obligatione quam habere reperti sunt fratri Alberto de Ciglianis, scilicet in libris octigentis; et quod contractum est per manus notariorum, approbatur. Die eadem.

Confirmatur frater Hieronymus, vicarius generalis Congregationis que est in Tuscia, cum eadem auctoritate quam habent provinciales in suis provinciis super conventibus habitis et habendis, et confirmatur prior conventus Sancte Marie de Saxo quem positurus est, et fratres assignantur deputandos per ipsum. Die xxviij maii, Venetiis.

Frater Hieronymus de Ferraria confirmatur prior conventus Sancti Marci de Florentia. Die eadem.

Locus Sancte Marie de Saxo acceptatus est in numero conventuum pro conventu sub cura vicarii Congregationis que est in natione Tuscie. Die eadem.

Fratri Francisco Bernardi conceditur camera olim fratris Alberti de Ciglianis posita in dormitorio inferiori, in angulo prope fenestram, in conventu Sancte Marie Novelle de Florentia. Die xxx maii, Venetiis.

Precipitur priorisse monasterii Sancti Pauli de Urbe Veteri ut neminem permittat ingredi monasterium, preter oper(ar)ios et patrem cuiusdam sororis secum ductum ex Florentia, sub pena excomunicationis late sententie etc. Die iij iunii, Venetiis.

Fratri Alberto de Ciglianis conceditur una camera quam modo inhabitat magister Thomas de Mattheo quando vacaverit, vel quando ipse magister Thomas aliam acciperet; que non est sub lege aliarum camerarum - quod secundum ordinem acquirantur et secundum pro?? conventus, secundum quod rev.mus ordinavit; tamen ista libera est ab illa lege. Die xiij iunii, Venetiis.


  Tommaso di Matteo dei Sardi (o de Scharfis) da Firenze OP,  † 27.X.1517. Cr SMN n° 776; ASMN I.B.59.


|66v|

1495

Precipitur priori, patribus, magistris et fratribus universis conventus Sancte Marie Novelle de Florentia, sub sententia excomunicationis late sententie etc., ne ullus loquatur cum episcopo vasionensi nec eum assotiet neque convivatur ne intret cameram eius, neque conversetur neque cum familia eius; et quicquid accommmodatum est ei de rebus conventus, faciant restituere, nec deinceps aliquid ei prestetur. Die xix iunii, Venetiis.


Benedetto Pagagnotti , OP 1460 in San Marco («frater Benedictus Christophori de Opera, vulgo dictus de Pagagnoctis ex parte matris»), vescovo di Vaison (sede suffraganea di Arles, Provenza) 1485, † SMN 2.II.1522/3. HC II, 263.


Absolvitur vicarius tam conventus quam ellectionis [sic] conventus pratensis, et instituitur magister Marianus de Vernaciis de Florentia vicarius ellectionis, cum auctoritate restituendi vocales ad voces si casu perdidissent, et quod possit facere vicarium conventus us<quequo> prior fuerit in conventu. Die xxvj iunii, Venetiis.

Confirmatur prior conventus Sancte Marie super Minervam frater Hieronymus de Pistorio. Die xxx iunii, Venetiis.

Absolvitur ab officio prioratus conventus Sancte Marie Novelle de Florentia magister Franciscus, et fit conventus et ellectionis vicarius magister Gabriel Dominici eiusdem conventus. Die ij iulii, Venetiis.


magister Franciscus Thome,  † 1514: Cr SMN n° 768.


Magistro Gabrielli Dominici datur facultas elligendi unum sotium qui in suis necessitatibus ei serviat, et non possit in aliquo alio officio seu servitio occupari per quemcunque inferiorem. Die eadem.

Fratri Petro de Petra Sancta data est litera capellanorum. Die iij iulii, Venetiis.

Magister Guielmus(?) de Florentia assignatur in conventu utinensi. Die eadem.

Frater Thomas de Cortesis de Florentia confirmatur prior pratensis. Die x iulii, Venetiis.

Magister Gabriel Dominici de Florentia confirmatur prior conventus Sancte Marie Novelle. Die xxiiij iunii, Venetiis.

Absolvitur frater Thomas de Cortesiis de Florentia a prioratu pratensis conventus, et declaratur etiam magistrum Marianum esse vicarium ellectionis futuri prioris in dicto conventu quousque presens prior fuerit in conventu; et proponitur frater Antonius de Serezana, tamen relinquendo vocales in libertate; cuius confirmatio committitur magistro Gabrielli priori Sancte Marie Novelle, si idem frater Antonius fuerit ellectus; et hoc si casu provintialis remote esset. Si vero alius fuerit ellectus, confirmatio rev.mo reservatur. Die eadem.

Frater Georgius Karleti de Florentia removetur a conventualitate conventus Sancte Marie Novelle, et remittitur ad provintialem ut sibi provideat de conventu; et non stet ultra tres dies a noticia literarum in conventu nec prior possit eum retinere, neque possit redire ad conventum sine licentia rev.mi. Die ultima iulii, Venetiis.


■ Cr SMN n° 865 († 10.III.1548/9, 87enne).


Fit alia litera fratri Sebastiano Goteschi eiusdem tenoris ut supra. Die eadem.


Cr SMN n° 760 († 10.VII.1510).


Comittitur fratri Marco de Verona, priori veronensi, ut introducat in quod<d>am monasterium noviter edificatum sorores de ordine nostro, et priorissam confirmandi; et ultra hoc, comissa est eidem cura dicti monasterii secundum consuetudinem dicte congregationis. Die xxii augusti, Venetiis.

Sororibus Sancti Silvest<r>i de Pisis mandatum est ut habentes de bonis sororis Brigide presentent comunitati in termino 24 horarum, sub pena excomunicationis; et quod in distributione bonorum mo<r>tuorum(?) servent meas ordinaciones. Die ultimo septembris, i?? silicis.

Frater Dominicus de Luca asignatur in suo conventu lucensi. Die 15 decembris, Fer??.

Frater Albertus de Stephano transfertur de conventu Sancti Dominici de Fesulis ad conventum Sancte Marie Novelle de Florentia, cum suis bonis. Die 29 decembris, Florentie.

Frater Ioannes Antonii de Aretio potest stare extra ordinem, in forma consueta. Die eadem.

Frater Dominicus de Pistorio declaratur esse canonice professus. Die ultimo decembris.

Datur facultas sorori M(ari)e de Tanaglis de Prato quod possit vendere quasdam terre pecias sibi deputatas sibi concessas, dummodo precium in alia bona stabilia convertatur. Non obstantibus etc. Die 4 ianuarii, Florentie.

|67r|

1496

Datur facultas fratribus conventus Sancti Marci de Florentia vendendi quoddam podere suum domino Bernardo Sicciapor??. Die 12 ianuarii, Florentie.

Declaratur quod magister Ioannes de ser Ruberti de Florentia debet precedere omnes alios magistros post ipsum factos, et precipue magistrum Sebastianum Bontempi; qui dicebat omnino debere ipsum precedere eo quod quando factus fuit frater nativus Sancte Marie Novelle, prefatus magister Ioannes fuit acceptatus cum hac condicione ut non magistraretur. Et tamen visis videndis et examinatis examinandis, compertum est non esse verum. Die 8 februarii 1496, Florentie.

Conventus Sancti Dominici de Prato reformatur sub cura fratris Hyeronimi de Ferraria et unitur Congregationi conventus Sancti Marci de Florentia, cum conditionibs in patentibus literis expressis. Die 30a ianuarii, Florentie.

Fratri Petro Mariotti Antonii de Sancto Cassiano committitur cura hospicii Sancti Iusti prefati opidi Sancti Cassiani, in spiritualibus et temporalibus, approbando et confirmando renuntiacionem sibi factam per fratrem Albertum de Ciglianis. Die 12 februarii, Florentie.

Declaratur et per diffinitivam sententiam est publicatum quod magister Franciscus Thome de Florentia debeat precedere ubique locorum magistrum Sebastianum Robini, et iam annis plurimis eum precesserat, quia magister Franciscus ordinarie gradus omnes assumpserat et magister Sebastianus per saltum; et ideo permisit magister Sebastianus, ymmo quasi cessit magistro Francisco. Die 8 februarii, Florentie.

Mandatur fratribus pratenssibus, sub excomunicationis pena, quatenus non debeant recipere fratres forensses ad se declinantes, nisi pratenses per dies aliquos; et quod nullus ad monasterium Sancti Nicolai accedat. Die 16 februarii, Florentie.

Conceditur cella in dormitorio inferiori, [posita add.] ex opposito celle magistri Ioannis ser Uberti posita, fratri Angelo Bartolomei de Gallis de Florentia, cum suis pertinentiis. Die 17 februarii, Florentie.

Dirigitur litera priori, magistris et patribus ac fratribus conventus Sancte Marie Novelle de Florentia, sub sententia excomunicationis, ut si quis factum haberet pecunias sive alia bona ad fratrem Angelum supradictum pertinentia, teneatur in termino trium dierum eidem omnia restituere, aut cum eo componere. Alias etc. Die 21 eiusdem, Florentie.

Quod vinea Sancte Marie Magdalene conventus Sancti Marci de Florentia domino Nicolao Zonta Florenteno [sic] vendita, de licentia rev.mi vendita est. Die eadem.

Cassantur omnes sindici Sancte Marie Novelle de Florentia, excepto fratre Alberto de Ciglianis. Die eadem.

Magistro Geminiano, priori conventus prefati, committitur plena cura biginarum. Die eadem.

Mandatur priori conventus Sancte Marie Novelle, sub pena absolutionis ab officio prioratus, et magistris et patribus ac fratribus, sub pena privationis gratiarum ordinis, quatenus fratrem Alexandrum Bartholomei Luchini de Florentia non habeant pro magistro nec nominetur magister; nec detur sibi locus in aliquo loco conventus, ultra sue professionis locum. Die eadem.

Soror Laureta(?) habet licentiam(?) eundi ad balnea ???. Die eadem.


■ Quest'ultima voce, di un solo rigo, è molto evanita e d'incerta lettura.


→|67v|

precedente successiva