precedente successiva

Registrum litterarum
magistri Ioakini Turriani Veneti, 1487-1500

■ AGOP IV.10 (1491-94): Provincia Romana ff. 75r-84r ■

ë  

|82r|

1494

Mandatur priori Pistorii et sororibus Sancte Caterine de Pistorio, sub excomunicationis pena, ut debeant dare sorori Michelangele eiusdem monasterii bona sua Egrofanti(?) in do?? fratris. Die 31 martii, Rome.

Frater Dominicus de Florentia absolvitur a prioratu Sarçane et frater Melofior de Gassano fit prior. Die 2 apprillis.

Congregatio conventuum reformatorum Romane provincie asignatur in capitulo generali Ferrarie celebra(nd)o. Die eadem.


 «Expliciunt acta capituli generalis apud Ferrariam celebrati anno Domini M°cccc° nonagesimo quarto in festo Pentecostes» (MOPH VIII, 422/11-12). Domenica di Pentecoste, tempo consueto dei capitoli generali OP, nel 1494 cadeva  il 15 maggio.


Frater Franciscus de Florentia fit predicator generalis. Die 9 apprillis.

Mandatur prori, patribus conventus perusini, sub excomunicationis pena, ut bona conventus alienare non possunt. Die eadem.

Soror Lucia tercii ordinis nostri narnienssis potest eligere sibi gratiam etc. Die 18 aprilis.

Frater Laurentius de Roma habet licentiam in vita sua de bonis suis, sua industria acquisitis, quibuscumque voluerit, tam fratribus quam aliis servitoribus suis. Die 19 aprilis, Rome.

Sorori Ioanne, monasterii Sancti Xisti, conceduntur illi floreni pro dote unius iuvencule, quos conventus habuit, et moniales fuerunt contente ut aplicarent pro dote puelle. Die eadem.

Frater Franciscus de Salviatis, prior fesulanus, potest absque alicuius contradictione in romana curia stare. Die eadem.

Frater Antonius de Tabia(?) confirmatur in priorem conventus Sancti Spiritus de Senis, cum plena potestate. Die 22 aprilis, Viterbii.

Cassatur electio facta in persona magistri Augustini <de Cortonio?> in priorem cortoniensem, et sibi committitur facultas confirmandi alium priorem canonice electum; et frater Leonardus declaratur non habere vocem et expellitur de conventu per malam vitam suam; et frater Dominicus de Cortonio, ex quo non potest legere privatas missas propter lingue impedimentum, debet cantare missam conventualem. Die 23 aprillis, Viterbii.

Frater Angelus de Viterbio potest stare extra ordinem et in romana curia. Die eadem.

Frater Rosatus et frater Marianus de Sutrio, propter vitam eorum sediciosam, privantur filiacione conventus Sancte Marie ad Gradus de Viterbio. Die eadem.

Ordinatur quod fratres iuvenes, tam sacerdotes quam alii, non loquantur cum biginis nec se inpediant cum eis tam in ecclesia quam extra, sub pena gravioris culpe per tres dies; et si penitentiati per priorem aut emisi per generalem extra conventum, sui consanguinei venerint ad vos ad comminandum vel intercedendum pro eis, illos pro convictis habeatis; ac si revelassent secreta ordinis extra ordinem, per sex dies pene gravioris culpe faciat; | volve cartam | |82v| quod si patres conventus accusaverint aliquem transgressorem priori, prior teneatur - sub pena absolutionis a suo officio - executioni debite demandare omnes ordinationes meas. Die 23 aprillis, Viterbii.


 cum biginis = beghine. Cf. G.G. Meersseman, Dossier de l'ordre de la Pénitence au XIIIe siècle, Fribourg 19822, p. 325a "Beghinae".


1494

Frater Thomas de Pistorio de bolendenis 100, quibus obligatur conventui viterbiensi ob malam suam administracionem, tenetur respondere fratri Hyeronimo de Pistorio priori viterbiensi, cui conventus est in totidem bolendenis obligat(us). Die eadem.

Frater Mathias de Viterbio habet licentiam eundi ad arciorem regulam, et in illa professionem facere. Die eadem.

Frater Dominicus Ricius de Florentia confirmatur in priorem Floriani. Die 24 eius(dem?).

Frater Hieronimus de Pistorio fit vicarius biginarum Sancte Catherine de Pistorio. Die eadem.

Frater Paulus sive Marianus de Urbe Veteri, pluries habitu ordinis dimisso, ultino a provinciali ad ordinem et professionen acceptato sine consenssu conventus urbevetani, declaratur ad illum conventum minime pertinere. Die 25 aprillis, Urbeveteri.

Mandatur priori et patribus conventus urbevetani, sub pena susspenssionis a divinis, quatenus fratrem Nicolaum de Urbe Veteri ad conventum, civitatem et eius districtu<m> tenere aut stare non permictant; cui fratri Nicolao precipitur, sub pena privationis gratiarum ordinis et gravioris culpe, quatenus non audeat ad districtum ut prefertur venire etc.; teneturque prior pro tempore existens, sub pena suspenssionis a suo officio, hanc ordinacionem executioni mandare. Non obstantibus etc. Die eadem.

Mandatur priori, sub pena suspenssionis a divinis, quod non mutuet bona sacristie et librarie extra conventum, nisi alicui magno prelato, libro habita ??cione. Die eadem.

Frater Herculanus Perusinus habet licentiam standi extra ordinem etc. Die 28 aprilis, Perusii.


 IV.13, f. 42v (11.IV.1500) «conceditur fr. Herculano conventus Perusii camera que dicitur vicariatus que est in dormitorio inferiori conventus Perusii».


Frater Gaspar de Perusio fit predicator generalis cum graciis. Die eadem.


 IV.12, f. 40r (15.I.1497) completata la lettura pụ conseguire il magistero; f. 42r (12.VI.1497) «mag. Gaspar de Perusio» assegnato reggente al convento di Treviso della prov. San Domenico. IV.13, f. 45v (12.X.1500) «mag. Gaspar conventus perusini». IV.15, f. 67v (17.VII.1502).


 |83r|

1494

Frater Antonius Ioannis, conventus Campi Regii, conceditur camera seu depositum conventus, quia [segue eum non soppresso] fratres et patres conventus eum sibi concesserunt. Die xj maii, Ferrarie.

Fratri Alexandro de Florentia conceditur camera magistri sui, magistri Ioannis Caroli, post eius obitum, cum omnibus iuribus et pertinentiis suis. Die 20 eiusdem.

Sorori Lucrecie de Prato conceditur camera sue magistre post eius obitum. Die eadem.

Precipitur priori reatino ut cogat fratrem Franciscum de Reate ad solvendum in manibus prioris prefati quantum accepit pro quodam breviario fratri Iacobo de Sancto Severino provincie Sancti Dominici ablato - quod scivit a fratre Ioanne de Como ablatum -, et illud emit ut revendere poss(et); et breviarium fuit fratri Iacobo restitutum. Die eadem.

Mandatur sororibus monasterii Sancti Pauli ad Ortum de Pisis quod ecclesiam suam minime dividere(?) neque in letigiis prosequi possint debeantque; et hoc sub pena treansgressoribus mandatorum debita et sub pena suspenssionis. Die 16 maii, Ferrarie.

Mandatur eisdem, sub pena suspenssionis a divinis, quatenus debeat domino Baldasari, canonico pisano, solvere aut cum eo componere debeat de annuo censsu sibi debendo ratione renuntiacionis predicte ecclesie Sancti Pauli ad Ortum. Die eadem.

<Frater> Hieronimus de Ferraria confirmatur in priorem Sancti Marci de Florentia. Die 19 maii, Ferrarie.

Fratri Arcangelo, priori senensi, mandatur ut cogat fratrem Placidum ad solvendum quandam summam pecunie fratri Nicolao de Senis, aut infra decem dies componant etc. Die 18 maii, Ferrarie.

Magister Vincentius de Reathe potest componere cum genitore et heredibus, et re?? [= renuere?], cum iam a genitore multa bona habuerit. Die 18 maii, Ferrarie.

Magister Sebastianus Rubini de Florentia: sibi mandatur ut infra spatium triginta dierum debeat sorori Lucrecie de Bardis integre satisfacere, prout in cedula manu propria continetur. Die 14 maii, Ferrarie.

Frater Bonaiunta de Senis potest confiteri quolibet mense. Die 18 maii, Ferrarie.

Frater Ioannes de Prato instituitur predicator generalis, cum gratiis etc. Die 21 maii, Ferrarie.

Frater Mathias de Pistorio assignatur in conventu cortoniensi, et cito debet iter assumere. Die 20 maii, Ferrarie.

Frater Thomas de Pistorio assignatur in conventu lucensi. Die 20 maii, Ferrarie.

|83v|

1494

Frater Antonius Ioannis de Senis potest confiteri et absolvi. Die 18 maii, Ferrarie.

Frater Augustinus de Olandia, conventus Sancti Marci de Florentia, asignatur in conventu super Minervam. Die 26 maii, Ferrarie.

Magister Iohannes Caroli de Florentia fit vicarius generalis provincie in absentia provincialis. Die 22 maii.

Frater Hieronimus de Pistorio fit vicarius generalis Congregationis Romane provincie cum plenaria auctoritate, et potest visitare moniales et bighinas in civitate pistoriensi.

Aplicatur camere inferiori dormitorio conventus perusini - regenti deputate - ortus quem(?) ipsa camera continet, et potest magister Iacobus Angeli Siculus facere expenssas divisionis muri et portarum ipsius ortus suis expensis. 22 maii, Ferrarie.

Magister Ludovicus de Luca assignatur in conventu lucensi, cum gratiis etc. Die eadem maii, Ferrarie.

Frater Dominicus Ioannis Petrucini assignatur in conventu Terracene. Die 24 maii.


 Segue item barrato: «Frater Theodoricus provintię Saxonie assignatur in conventu Sanctę Marie Novelle de Florentia. Die 25 maii».


Confirmatur licentia recipiendi duas novitias pro reparatione conventus Sancti Iuliani de Florentia, et ordinatur ut quedam iuvencula recipiatur ex his duabus, et mandatur ut sibi fiat impedi int(roitus?). Die 21 maii.


 pro: sciolgo coś p° (che di solito sta per primo); confermato da ricorsi successivi, propri di questo copista.


Frater Franciscus de Florentia eximitur ab ebdomadaria. Die eadem.

Frater Franciscus idem assignatur Senis in studentem honoris. Die eadem.

Comittitur causa fratris Christofori, super quibusdam pecuniiis habendis a fratre Thoma Boni, fratri Andreę Anselmi. Die eadem.

Ordinatur ut ordinatio facta in conventu perusino circa solutionem pro pitantia nulla sit, sed tantum pro necessariis studii servent(ur); et sacrista scilicet frater And??s [= Andreas?] absolvitur, et datur facultas priori alium instituendi; et frater .p. Anthonius de Caramanico et frater Bartholomeus Siculus removentur; et hortantur studentes ad studia literarum(?). Die 26 maii.

Datur facultas priori Sancti Marci mitendi fratres ad ??? [= Urbem?] absque molestia cuiuscunque. Die 27 maii.

Frater Dominicus Riccius instituitur pater conventus Sancte Marie Novelle. Die xja maii, Ferrarie.

Frater Ieronimus Signorini potest ordinari in sacerdotem. Die ultima maii.

Frater Petrus de Urbe Veteri absolvitur a prioratu urbevetano. Die 25 maii.

Magister Valentinus de Camereno, conventus perusini, confirmatur in provincialem Romane provincie, cum plena potestate. Die xxi maii.

|84r|

1494

Fratri Alberto de Ciglianis de Florentia conceditur locus seu hospicium Sancti Cassiani, qui locus vocatur Sanctus Iustus, et hoc in vita eius. Die 2 iunii, Ferrarie.


 Unico item in questa pagina, il resto in bianco. E qui terminano i regesti relativi alla "provincia Romana".


|84v|

Frater Ioannes de Coreliano de Calabria est frater carnalis fratris Francisci de Lima(?) de Coreliano, guardiani Sancti Francisci ??fa??as et custodis provincie Terre Sancte.


 Coreliano = Corigliano Calabro (dioc. Rossano, prov. Cosenza): AFP 39 (1969) 541. Unico item in questa pagina, di fatto non appartenente più alla sezione "provincia Romana" benś alla successiva; il resto in bianco. Da f. 96r inizia sezione Regnum Sicilię.



Andrea di Buonaiuto da Firenze, capitolo SMN_est (1365-67): san Domenico da Caleruega fondatore dei frati Predicatori mostra la "via salutis"
finis

precedente successiva